Лампард му честита на Мурињо, но не пропушти прилика да го „пецне“

Легендарниот играч за врска Френк Лампард му беше омилен фудбалер на Жозе Мурињо, а сега ќе бидат ривали во Премиер лигата.

Лампард ова лето седна на кормилото на Челзи, а Мурињо пред два дена беше назначен за нов тренер на градскиот ривал Тотенхем.

Лампард смета дека враќањето на Мурињо во Премиер лигата е позитивно.

„Не ми пречи што Жозе се врати. Тоа е добро за Премиер лигата. Луѓе со карактер и квалитет како што е Мурињо се секогаш добредојдени“, истакна Лампард, кој потенцираше дека тој никогаш не би седнал на клупата на Тотенхем.

„Не, сигурно не. Мораме да го почитуваме неговото право на тоа да работи, но 13 години играв во Челзи и премногу го почитувам овој клуб и овие навивачи. Го почитувам Тотенхем, но никогаш не би работел таму“, заклучи Лампард.