Куман: Барселона тешко ќе го одржи чекорот со најдобрите клубови

Барселона ја чека тежок распоред во наредните три кола во Ла Лига, а многумина сметаат дека тешко Куман ќе се задржи на клупата по овој период.

Шпанските медиуми констатно го селат од клупата, иако критиките малку се смирија после победата против Леванте од 3:0 минатиот викенд. Сега Куман, пред натпреварот во Лигата на шампионите против Бенфика призна дека во овој момент Барселона тешко ќе го одржи чекорот со најдобрите во Европа.

„Да бидеме реални, со сите промени кои ги направивме во екипата тешко е да држиме ќекор со големите тимови“, изјави Куман.

Роналд Куман Барселона ја презема во август минатата година. Екипата ја водеше на 61 натпревар и има учинок од 37 победи, 12 нерешени натпревари и 12 порази.