Конечно малку добри вести од Џенова: Нема нови позитивни на Ковид-19

Џенова во претходната недела изброја 22 позитивни случаи на коронавирус од кои 17 беа фудбалери и поради тоа се одложи натпреварот против Торино.

За среќа македонскиот капитен Горан Пандев не беше помеѓу заразените и успеа да допатува во Скопје за натпреварот против Косово кој ќе се игра во четврток.

Денес од клубот пристигнуваат добри вести – во клубот нема нови заразени.

„Џенова информира дека на последните тестови нема нови позитивни на Ковид-19 помеѓу фудбалерите и членовите на стручниот штаб“, стои во соопштението.

Натпреварот на Џенова со Торино за викендот беше одложен, а сега следи репрезентативната пауза, тоа е добро за клубот затоа што дел од заразените би можеле да се опорават ов вирусот.