Ковачиќ: Ливерпул нема да биде шампион затоа што го има Ловрен

Фудбалерот на Челзи, Матео Ковачиќ се пошегува на сметка на дефанзивецот на Ливерпул, Дејан Ловрен.

Хрватските фудбалер во Загреб учествуваа во хуманитарна акција за една детска клиника, а половина од сумата беше за децата без родители.

Фудбалерите и селекторот Златко Далиќ се јавуваа на телефоните на хуманитарните броеви.

Во таа прилика Ковачиќ зборуваше поради што „црвените“ и оваа сезона нема да бидат шампиони на Англија.

„Ливерпул нема да биде шампион на Англија. Зошто? Затоа што го имаат Дејан Ловрен“, се пошегува Ковачиќ на сметка на својот сонародник.

Ковачиќ во Челзи настапува како позајмен фудбалер од Реал Мадрид од август оваа година.