Кек: Македонија е многу активна и воиграна

Македонската фудбалска селекција вечерва на гостувањето кај Словенија освои значаен бод во квалификациите за ЕП 2020.

Уште една одлична, пред се борбена партија прикажаа избраниците на Ангеловски, а тоа го призна и селекторот на словенците, Матјаж Кек.

„Дадовме гол во вистински момент, но потоа Македонците не пресекоа на стартот на вториот дел. После тоа тие го смирија темпото, треба да бидеме поитри во такви ситуации. Резултатот е реален, во добар дел од мечот игравме доста лошо, имаше грешки кои ме налутија. Македонија е многу активна и воиграна, тоа се виде на теренот. Ќе морам да најдам и други играчи за да ја надоградиме селекцијата. Имавме поголема желба за овој натпревар, но конечниот резултат е реален.“ – изјави Кек.