Кеирош до навивачите: Ако не не бодрите, тогаш седете си дома!

Селекторот на Иран, Карлос Кеирош остана видно разочаран од високиот пораз од Англија (6:2) на стартот на Светското првенство.

Некои од навивачите свиреа за време на интонирањето на националната химна, додека други ги држеа натписите „Жена, живот, слобода“.

Селекторот Карлос Кеирош испрати порака до навивачите после мечот.

„Моите играчи не се во најдобро опкружување поради ситуацијата и немаат концентрација во целост. Тие се луѓе, имаат свои деца, свој сон, а тоа е да играат за својата земја, за народот. Јас сум горд што тие се изборија за тоа, што дадоа два гола против Англија во сите овие услови“.

„Оние кои не сакаат да не бодрат, тогаш нека не доаѓаат на стадион. Останете си дома. Не ни требаат луѓе кои даваат поддршка само кога победуваме“, изјави Кеирош.