Кај Сари е вишок, Мурињо го чека со раширени раце

Тренерот на Манчестер Јунајтед, Жозе Мурињо во голема мера бара засилувања за јануарскиот трансфер период.

„Посебниот“ сака играчи кои можат да му помогнат за да ја поправи сезоната, а меѓу оние кои би можеле да пристигнат на „Олд Трафорд“ е нигерскиот фудбалер Виктор Мосес. Овој 27-годишен фудбалер е заборавен во Челзи кај новиот тренер, Маурицио Сари. Започна само еден натпревар оваа сезона и обложовалниците ги намалија квотите дека Мосес ќе го напушти клубот.

Најголеми шанси за неговото доведување англиските обложувалници му даваат на Манчестер Јунајтед. Убедени се дека Мурињо ќе се обиде да го доведе на „Олд Трафорд“, па понудија коефициент 4 на овој трансфер. Блиску до Јунајтед е поранешниот клуб на Мосес, Кристал Палас (2007-2010). Квотата дека ќе го ангажираат е 4,30, а меѓу кандидатите е уште Евертон (5,50), Вулверхемптон, Лестер, Вотфорд, Арсенал, Ливерпул…

Мосес изгледа дека полека ги пакува куферите, а доколку си замине тоа ќе биде негово четврто заминување од „Стемфорд Бриџ“, бидејќи претходно си замина на позајмица во Ливерпул, Стоук и Вест Хем.