Канте може да го напушти Челзи

Англиските медиуми пренесуваат дека Нголо Канте  на лето би можел да го напушти Челзи.

Раководството на Челзи планира големи промени на тимот во текот на летниот преоден рок, а клубот може да го напушти и миленикот на навивачите.

31-годишниот Канте на лето ќе влезе во последната година од договорот и „сините“ веруваат дека сега е идеално време за негова продажба.

Сепак, во моментов во Челзи се е „блокирано“ и се чека новиот сопственик, но медиумите тврдат дека на лето ќе има големи промени.

Голема желба на „сините“ е ѕвездата на Вест Хем, Деклан Рајс, кој оваа сезона игра фантастично и е еден од најдобрите играчи за врска во Премиер лигата.

Канте исто така е спремен за нова авантура, па на лето би можел да го напушти Челзи.