Какво решение ќе бара Ѓоковиќ? Најавена задолжителна вакцинација и на Ролан Гарос и Вимблдон

Како што сега стојат работите Новак Ѓоковиќ по се изгледа нема да настапи на Австралија Опен затоа што на овој тунрир ќе се бара задолжителна вакцинација.

Најдобриот тенисер во светот засега не открива дали е вакциниран. На турнирот во Мелбурн нема да биде дозволено учество на невакцинирани. Единствената опција која се најавува е да помине карантин од две недели, но тоа не е потврдено.

Лоши вести за Ѓоковиќ најави новинарот на „Форбс“, Адам Загорија. Според неговите информации организаторите на Вимблдон и Ролан Гарос размислуваат за воведување задолжителна вакцинација за учество.

„Не е исклучена можноста, се размислува Ролан Гарос и Вимблдон да го следат примерот на Австралија Опен и да настапат само вакцинирани тенисери“, истакна новинарот.