Инцидент по дербито: Фудбалер на Борусија го чекал Коман за физички да се пресметаат – се појавил Гнабри!

Германските медиуми пренесуваа дека се случил сериозен инцидент по завршувањето на дербито помеѓу Борусија Дортмунд и Баерн Минхен.

„Милионерите“ го загубија натпреварот со 0:4, а дел од фудбалерите не можеле лесно да го поднесат поразот. Според информациите најжесток во реакциите бил играчот на Борусија, Јулијан Рајерсон.

Наводно, тој пред соблекувалната го чекал Кингсли Коман за да се пресмета со него. Двајцата фудбалери имаа жестоки дуели во текот на натпреварот, меѓутоа Норвежанецот сакал дополнително да ги „расчистат сметките“.

Неговата „мисија“ да го пронајде Коман не била успешна затоа што Французинот не излегол од соблекувалната, па така му пришол на Серж Гнабри кого вербално го нападнал. Редарите кои биле во близина морале да интервенираат и да ги разделуваат.

Новинарите по излегувањето од стадионот ги прашале фудбалерите за оваа ситуација, но изјавите биле дека проблемите се решиле. Засега не е познато дали Рајерсон ќе добие некаква казна за ваквото однесување.