Интер ја почна годината со 6 гола, шоу на Лаутаро🎥

Интер со висока победа од 6:2 над Кротоне ја отвори новата година во меч во кој блескаше Лаутаро Мартинез.

Не беше се така добро за „нероаѕурите“ во првото полувреме, бидејќи гостинот поведе во 12-та минута со голот на Занелато, но во продолжение шоуто му припадна на Лаутаро Мартинез.

Аргентинскиот напаѓач израмни на 1:1, го натера Мароне да си постигне автогол за 2:1, а пред крајот на првиот дел, Кротоне израмни од пенал на 2:2.

Во второто полувреме Интер го прегази противникот, Лаутаро стигна до хет-трик, а во листата стрелци се запишаа Лукаку и Хакими.