Интер повторно се засилува од „Олд Трафорд“

Дефанзивецот на Манчестер Јунајтед, Ерик Баи ќе побара трансфер од раководството пренесуваат медиумите на Островот.

Солскјер е во потрага по нов дефанзивец, а тоа значи дека минутажата на Баи додатно ќе се намали, па двете страни сигурно ќе се разделат.

Баи на лето влегува во последната година од договорот па тоа е последна шанса Јунајтед да заработи на неговото заминување.

Ситуацијата внимателно ја следи миланскиот гигант Интер, кој сака да го донесе дефанзивецот во Милано.

Интер има одлична соработка со Манчестер Јунајтед и во последните години донесе четворица фудбалери од „Олд Трафорд“, па се очекува двата клуба брзо да најдат заеднички јазик за трансферот.