Интер го продава Де Вриј за да го купи Бремер

Дефанзивецот на Интер, Стефан де Вриј на крајот на сезоната би можел да го напушти миланскиот гигант, пренесуваат италијанските медиуми.

Договорот на Де Вриј со Интер истекува во јуни 2023 година, нема најава за негово продолжување, па Холанѓанецот на лето ќе влезе во последната година од договорот.

Интер е спремен да го продаде, а најсилен интерес за неговиот потпис покажува Тотенхем.„Спарси“ се спремни за неговиот потпис да понудат 25 милиони евра, а Интер како негова замена сака да го донесе Бремер од Торино.

Бремер е примарна цел на Интер во летниот преоден рок, веќе имаат договор со Бразилецот и неговиот трансфер ќе го финансираат со продажбата на Де Вриј.

#Inter, la cessione di #deVrij per arrivare a #Bremer: la vera cifra in programma https://t.co/uPwzBdioRI pic.twitter.com/5TvSdnEnc0

— calciomercato.com (@cmdotcom) March 31, 2022