Инвазија во Москва: Пристигнува нов бран на хрватски навивачи – сојузот обебеди нови влезници!

Фудбалскиот сојуз на Хрватска обезбеди нови дополнителни влезници за своите навивачи.

Како што пренесуваат медиумите во оваа земја обезбедени се дополнителни 3.137 влезници за полуфиналето во Москва.

Натпреварот се игра во среда со почеток во 20:00 часот на стадионот „Лужњики“.

Капацитетот на стадионот изнесува 78.000 седишта, а секој сојуз има право на 8% од капацитетот, што е околу 6.500 навивачи.

Со дополнителни влезници се очекува на стадионот во Москва да присуствуваат околу 10.000 хрватски навивачи.