Импресивно достигнување на Роналдо 📷

Ѕвездата на Јувентус, Кристиано Роналдо синоќа постигна гол против Динамо Киев, кој беше 750-ти во неговата кариера.

Вакво нешто направиле претходно само тројца фудбалери во историјата, и тоа играчи кои повеќе од 45 години веќе не се активни.

Првото место на листата го држи Чехот, Јосеф Бицан, кој постигнал 805 гола во кариерата. Пред Роналдо на листата се и Бразилците Ромарио (772) и Пеле (767).

„Постигнати 750 голови, 750 среќни моменти, 75- насмевки на навивачите. Им благодарам на сите соиграчи и тренери кои ми помогнаа да ја стигнам оваа неверојатна бројка. Им благодарам и на лојалните ривали кои ме тераат секој ден да тренирам понапорно и понапорно“, порача Роналдо.