Игуаин се сели во Париз, Јувентус веќе најде замена

Едно од приоритетните засилувања за Јувентус во летниот преоден рок веројатно ќе биде класичен напаѓач.

Италијански „Тутоспорт“ пишува дека Гонзало Игуаин ова лето ќе ја напушти „старата дама“, а негова следна дестинација најверојатно ќе биде Париз.

Имено, ПСЖ е силно заинтересиран да го донесе Аргентинецот во своите редови како замена за Едисон Кавани.

Леонардо веќе стапил во контакт со братот на Игуаин, а Јувентус е спремен да го пушти напаѓачот и веќе почна да бара замена.

Најголема желба на „старата дама“ е Мауро Икарди. Икарди игра одлично на позајмицата во ПСЖ, меѓутоа сака да се врати во Италија и Јувентус е негова прва опција.

Со оглед на фактот дека неговите врати во Интер се затворени, „нероаѕурите“ се спремни да го пуштат во големиот ривал доколку пристигне понуда од 65 милиони евра.