Ибрахимовиќ: Роналдо зборува глупости, зошто не премина во клуб од втора лига?

Добро познато е дека Златан Ибрахимовиќ е без „влакна на јазикот“, Швеѓанецот често пати знае да привлекува внимание од јавноста со своите изјави.

Сега Златан го критикуваше Кристиано Роналдо и смета дека неговите зборови дека во доаѓањето во Јувентус е предизвик се глупости.

„Кристиано зборува за нови предизвици…Тој предизвик го нарекува трансферот во екипа која доминира во Серија А. Зошто не премина во некој тим од втора лига и да го внесе во прва лига? Зборува глупости! Преминувањето во Јувентус не е никакво предизвик“, изјави Ибрахимовиќ.

Португалецот има 33 години и понатаму игра во одлична форма. За италијанскиот шампион на 25 натпревари постигна 15 голови и запиша осум асистенции.