Ибрахимовиќ: Меси или Роналдо? Јас сум подобар од нив

Златан Ибрахимовиќ повторно крена голема прашина со своите изјави во италијанските медиуми.

Ибрахимовиќ е еден од најдобрите напаѓачи во светот во претходните две децении и зад себе има богата кариера, иако не успеа никогаш да ја освои „Златната топка“.

На прашањето на новинарите дали во колекцијата на награди му недостига „Златната топка“, Ибрахимовиќ даде одговор во свој стил.

„Не. На Златната топка и недостигам јас. Длабоко во себе верувам дека сум најдобар во свет“, изјави Ибрахимовиќ.

Швеѓанецот даде краток коментар и за Кристиано Роналдо и Лионел Меси, кои се едни од најдобрите во историја.

„Ако зборуваме за квалитетите, јас сум подобар од нив. Ако ги погледнете трофеите, тогаш да, не ја освоив Лигата на шампионите. Но, како се смета тоа кој е најдобар? Не сум опседнат со тоа, бидејќи кога правиш добри работи колективно, индивидуалното се покажува“, заклучи Ибра.