Ибра не размислува за пензија: Докажав дека годините не се важни

Шведскиот напаѓач Златан Ибрахимовиќ во четвртокот официјално го продолжи договорот со екипата на Милан.

Челниците на клубот од Сан Сито му понудија договор на Ибра до летото 2022. година, а тој го прифати и порача дека се уште е рано да замине во пензија.

Искусниот напаѓач во октомври ќе го прослави својот 40. роденден, но се уште игра во врвна форма и ќе продолжи да настапува во Серија А.

Откако го потпиша новиот договор со Росонерите порача дека годините се само број.

„Сигурен сум дека реакцијата на навивачите ќе биде добра. Дури и некој ако се сомневаше кога дојдов мислам дека покажав дека годините не се важни. Се е во менталитетот. Секогаш закав да се докажам и да го дадам најдоброто од себе. Се чувствувам одлично физички и можам и натаму да ги работам работите кои најдобро ги знам.“ – рече Ибра.

Ибра во дресот на Милан одигра 130 натпревари и постигна 84 погодоци. Во досегашниот дел на сезоната одигра 25 натпревари во сите натпреварувања и постигна 17 погодоци.