Ибра го избра својот тим од соништата и ја насмеа фудбалската јавност

Шведскиот напаѓач Златан Ибрахимовиќ повторно ја насмеа јавноста со својата објава на Инстаграм.

Ибрахимовиќ игра во фантастична форма и во неделата повторно воодушеви со играта во Наполи каде постигна два гола во победата на Милан.

Овој 39-годишен напаѓач во досегашниот дел од сезоната одигра шест натпревари во Серија А, постигна 10 погодоци и е прв стрелец на Апенините.

Ибра повторно ги насмеа неговите следбеници на Инстаграм откако имаше задача да го избере својот тим од соништата. Тој на секоја позиција на теренот одлучи да се стави самиот себе.