И Е.Пелистер ја затвори годината со сигурна победа

Еурофарм Пелистер го следеше чекорот на Вардар и со победа ја затвори 2021 година.

Избраниците на Жељко Бабиќ немаа проблеми на гости кај фенерџијата Радовиш и славеа со 25:34. Разликата во квалитетот беше забележителна уште од почетокот, брзо го преземаа водството и не го испуштија до крајот.

Радовиш немаше решение за фаворитот на овој меч, па предноста на битолскиот тим само растеше. На полувреме се замина со 12:19.

Во второто полувреме Радовиш се доближи на најмалку пет гола за повеќе немаа сили. Е.Пелистер ја врати поголемата предност и за првпат во еден момент водеа со двоцифрен број разлика (29:19).

До крајот беше прашање само со кој резултат ќе заврши средбата, а на крајот тој гласеше 25:34. Ненад Костески беше најефикасен со девет гола.

Фото: РК Еурофарм Пелистер