Знаете ли Конте што им направи на играчите по синоќешната победа против Милан?

Едни играчи тренираа, други славеа.

По синоќешната победа на Интер над Милан (2:0), тренерот Конте ги испрати играчите кои не настапија во дербито да тренираат на теренот од „Сан Сиро“, додека нивните соиграчи се тушираа и славеа во соблекувалната. Овој мал чин ја покажува лудата етика на работа на Конте и вредноста која тој ја дава на напорната работа и фокусот.

Токму дисциплината е најважна работа за Конте, кој веднаш кога пристигна во Интер ја „вентилираше“ собелувалната, ги избрка Икарди и Наинголан, а на играчите им даде прилика оваа сезона само на основа од она што ќе го покажат на тренинзите.

Таквите методи донесуваат резултати, бидејќи Интер има четири победи во четири кола од Серија А, а помеѓу останатото последната е запишана „на гости“ против лутиот ривал Милан. Еден кикс Интер доживеа во Лигата на Шампионите, кога ремизираше на „Меаца“ против Славија Прага (1:1).

Интер е лидер во Серија А со два бода повеќе од Јувентус, а во петтото коло игра против Лацио.