Звучи изненадувачки: Мегваер може да се пресели во голем ривал на Јунајтед?

Англискиот репрезентативец и дефанзивец на Манчестер јунајтед, Хари Мегваер ќе го напушти „Олд Трафорд“ во зимскиот преоден рок, откако не се прослави во редовите на поранешниот шампион.

Мегваер пред три години потпиша за „ѓаволите“ од Лестер сити за 87 милиони евра, но не ги оправда очекувањата и затоа навивачите му се лути и често бараа да си замине.

Англичанецот очигледно планира да им ја „исполни желбата“ и да замине од Манчестер, а како негова следна дестинација се споменува Тотенхем кој во моментов бара дефанзивец.

Антонио Конте нема ништо против Мегваер и би можел да плати околу 25 милиони евра за неговите услуги, а така „ѓаволите“ ќе ослободат голем дел од буџетот за плати.