Заниоло се договори со Јувентус

Јувентус ги договори личните услови со ѕвездата на Рома, Николо Заниоло, пренесуваат италијанските медиуми.

„Бјанконерите“  сакаат да ја засилат крилната позиција со млад и перспективен фудбалер, а прва желба е токму Заниоло.

Рома е спремна да го продаде Италијанецот, но за неговата слобода бара 50 милиони евра, сума која Јувентус сака да ја намали така што ќе вклучи некој свој играч.

Италијанските медиуми пренесуваат дека „бјанконерите“ спремаат прва понуда од 25 милиони евра плус еден играч, Артур или Мекени.

Рома првично сакаше само кеш за својата ѕвезда, но наводно е спремна да ја прифати понудата, бидејќи Заниоло одбива да го продолжи договорот и веќе се договори со Јувентус.

🚨 Juventus have reached an agreement with Nicolo Zaniolo over personal terms. Talks continue over the structure of the fee with Roma.

(Source: @tuttosport) pic.twitter.com/4z6LdqamT8

— Transfer News Live (@DeadlineDayLive) July 3, 2022