За поранешниот англиски фудбалер Ван Дијк е подобар и од Меси

Поранешниот англиски фудбалер на англиски клубови, Крис Сатон смета дека дефанзивецот на Ливерпул, Вирџил Ван Дијк во овој момент е најдобриот фудбалер во светот.

Тимот од „Енфилд“ е лидер во Премиер лигата со четири бодови повеќе од актуелниот шампион Манчестер Сити, а Холанѓанецот изминатото коло против Вулвс го постигна првиот гол во сезоната.

Сатон од медиумите беше запрашан дали Стерлинг заслужено го добил признанието најдобар играч во првенството покрај Ван Дијк.

„Како може Стерлинг да биде најдобар во Премиер лигата? Никако. Не може во таа лига бидејќи за мене Ван Дијк е најдобриот фудбалер во светот, подобар дури и од Меси“, изјави поранешниот фудбалер на Норвич, Блекбурн, Челзи, Селтик, Бирмингем, Астон Вила и Вренхам.

Ван Дијк во Ливерпул пристигна во јануари од редовите на Саутемптон за рекордна сума од 75 милиони фунти.