ЕУРО анализа: Германија – Унгарија, тимот на Лев почна да наликува на себе

За да обезбеди пласман во осминафиналето на ЕУРО 2020, Германија мора да слави победа против Унгарија во Минхен. По победата над португалците, сега тимот на Лев доби ветер во грбот, но и Унгарија по ремито со Франција е залетана и најавува борба до последниот атом на силите во Минхен.

Германија конечно заличе на себе

Момците на Јоаким Лев импресивно го победија актуелниот шампион Португалија со 4:2. Во можеби најинтересниот натпревар досега на Европското првенство, во саботата, Германија одигра конечно на очекуваното ниво. Изгледаа неверојатно на теренот и Португалија и Ронадо немаа шанси за бод. Многумина после натпреварот рекоа дека играта на Германија конечно потсетува на нивната репрезентација од СП 2006, кога беа неприкосновени.

Предводени од одличната бековска двојка по страничните позиции Џошуа Кимих и Робин Госенс, германците во секој поглед ја надиграа Португалија.

Како резултат на тој успех што го поттикна моралот на екипата, Германија би требало да слави на Унгарија, а тоа ќе значи шест бода и пласман во следната фаза. Има опции според кои Германија и со бод може до следната рунда, но германците нема да дозволат таков луксуз и ќе сакаат да ја завршат својата работа со победа.

Откако го освоија турнирот во 1996 година, Германците не успеаја да ја минат групната фаза во 2000 и 2004 година, но завршија како вицешампиони на ЕУРО 2008 пред да стигнат во полуфиналето во двете најнови изданија. Иако многумина ги отпишаа, Германија дефинитивно може да стигне далеку ако ја мине групната фаза.

Унгарија продолжува да сонува

Атила Фиола е национален херој во Унгарија откако го постигна голот за ремито од 1:1 минатиот викенд со Франција. Сега неговите потценети унгарски соиграчи можат да сонуваат за пласман во следната фаза, од оваа група на смртта за која се чинеше невозможно да се помине пред турнирот.

Ако победат, а Франција загуби, второто место ќе се решава со гол-разликата, а момците на Марко Роси ќе завршат на третото место ако победат, а другиот меч заврши нерешено.

Нацијата рангирана на 37-то место во светот, ако изненади ќе го направи едно од најголемите изненадувања во историјата на ова натпреварување. Против очигледно воскреснатата Германија, тие ќе наидат на многу познати лица, бидејќи неколку врвни унгарски играчи играат во Бундеслигата. Тоа може да биде голем плус за нив. Ќе знаат како да одиграат против германците.

Можеби еден од најважните играчи за Унгарија на овој меч ќе биде Вили Орбан кој има и германско и унгарско државјанство, а интересно е тоа што беше капитен како германски репрезентативец до 21 година, а своето деби за земјата на неговите предци го имаше дури во 2018 година. Тука се и централниот напаѓач Адам Салаи кој играше во Штутгарт, Мајнц, Шалке, Хофенхајм и Хановер, како и Ролан Салај од Фрајбург.

За прогноза за овој натпревар, но и за уште многу други посетете го сајтот на кој работат мајстори во спортското обложување – Кладење.мк