Една грешка беше доволна, Буфон заминува од ПСЖ?

ПСЖ е пресилен за францускиот шампионат, но богатите сопственици од година во година продолжуваат да вложуваат милиони евра на засилувања за Светците конечно да дојдат до самиот крај во ЛШ.

Сепак, на ПСЖ никако да му тргне во ЛШ, а оваа сезона шокантно испадна во осмина финалето од Манчестер Јунајтед.

Полека се појавуваат проблемите на Паркот на принцевите. Рабиот е непосакуван во клубот, константно стигнуваат инормации и за незадоволство на Нејмар, а на атмосферата во клубот сега може да влијае и ситуацијата во која се најде Џиџи Буфон.

Имено, пред да испадне ПСЖ од ЛШ се шпекулираше дека искусниот чувар на мрежата ќе потпише нов договор со клубот, но сега е друга приказна.

Л’екип пишува дека во ПСЖ се предомислиле и повеќе не го сака поранешниот голман на Јувентус во своите редови.

Парижаните наводно дошле до заклучок дека Буфон не може да одговори на придизвиците во врвниот фудбал и тоа после големата грешка која ја направи во реваншот против Јунајтед. Истата ја искористи Лукаку и постигна погодок.

Да потсетиме, Буфон минатото лето, после 17 години во Торино, го напушти Јуве и со ПСЖ потпиша договор до крајот на оваа сезона. Дали и следната сезона ќе биде меѓу стативите на овој клуб останува да видиме.