Дончиќ и четврти пат сезонава над 50 поени, Далас подобар од Детриот 🎥

Лука Дончиќ одигра одличен натпревар и Далас предводен од Словенецот се врати од -11 негатива во третата четвртина против Детроит (111:105).

Неколку дена откако мораше да го напушти натпреварот против Феникс поради повреда, Дончиќ се врати со феноменален настап.

За само 36 минути на паркетот имаше шут од 17/24 од поле, 5/11 за три поени, постигна 53 поени и додаде уште осум скока и пет асистенции.

Треба да се истакне дека посебно импресивен беше Дончиќ на стартот од натпреварот кога постигна дури 24 поени од првите 30 на Маверикс.

За Дончиќ ова е четврти натпревар сезонава во кој има 50 или повеќе поени. Рекордот го постави минатата година кога одигра меч со 60 поени, 21 скок и 10 асистенции.

НБА РЕЗУЛТАТИ:

Филаделфија – Орландо 109-119, Бруклин – ЛА Лејкерс 121-104, Минесота – Сакраменто 111-118, Оклахома – Голден Стејт 120-128, Сан Антонио – Вашингтон 106-127, Далас – Детроит 111-105, Феникс – Торонто 114-106, Портланд – Атланта 129-125.