Дембеле:Доста е, нема да молчам повеќе

Осман Дембеле во моментов е во „војна“ со Барселона, а причина за тоа се преговорите за нов договор.

Менаџерот на играчот постојано ги одбива понудите од каталонскиот гигант и тоа го изнервира раководството.

Клубот соопшти дека Дембеле е исфрлен од тимот и дека треба да си најде друг клуб до крајот на преодниот рок.

„Четири години читав вести за себе и во ниту еден момент не се правдав. Постојано имаше шпекулации за мене. Четири години луѓето зборуваа за мене, срамно лажеа со цел да ми наштетат. Тоа беше грешка, но од денеска е готово. Ќе одговарам искрено и никој нема да ме уценува. Имам 24 години и не сум совршен, како секој друг човек“, кажа Дембеле.