Дали ѕвездата на Сити најави трансфер во Барселона?

Ѕвездата на Манчестер Сити, Бернардо Силва даде изјава која медиумите ја протилкуваа како „флерт“ со Барселона.

Манчестер Сити неодамна беше казнет од УЕФА со двегодишна суспензија од европските натпреварувања, па можно е неколку ѕвезди да побараат трансфер од „Етихад“.

Бернардо Силва е еден од играчите со најмногу настапи во тимот на Гвардиола, но во последно време се шпекулира дека може да се пресели во Барселона, а Португалецот со својата изјава само ги подгреа шпекулациите.

„Играм со Кристиано во репрезентацијата, и кога би играл со Меси во клуб тогаш би можел да кажам дека сум играл со најдобрите играчи во историјата на фудбалот. Тоа е комплицирано да се оствари, дали во Барселона или во Сити, навистина не е важно“, изјави Силва.

Навивачите на Барса оваа изјава ја сфатија како порака до раководството да го ангажира Португалецот ова лето.