Дали знаевте од кога датира ривалството помеѓу „Комити“ и „Чкембари“?

Познато е огромното ривалство помеѓу Скопје и Битола, а сето тоа веројатно е поради двата најголеми клубови во овие градови, Вардар во Скопје и Пелистер во Битола. Дали знаевте од кога датира ова големо ривалство?

Според Битолчани, за ривалството и омразата се виновни „Комитите“.

Се започнало во сезоната 1989/1990 и натпреварот кој Вардар го играл против Црвена Звезда во Скопје. Во овој натпревар поддршка во име на Македонија на Вардар одлучиле да му пружат и десетина „Чкембари“, што во денешно време е нешто незамисливо.

„Чкембарите“ кои го поддржувале Вардар биле сместени на западната трибина и одеднаш, без никаква причина тие биле нападнати и претепани од стотина „Комити“. Од овој ден омразата и ривалството помеѓу овие два клуба се зголемила да тоа ниво, што и ден денеска како што кажавме е незамисливо „Комита“ да му дава поддршка на Пелистер или обратно.