Грилиш за критиките: Не е се во головите и асистенциите…

Манчестер Сити во изминатото лето плати 100 милиони фунти за Џек Грилиш, а медиумите поради неговата лоша сезона постојано ги анализираат бројките.

Грилиш не е истиот играч од Астон Вила, а тој тврди дека него поважни му се тимските резултати отколку личните бројки.

„Нормално дека како офанзивен фудбалер посакувам да постигнувам повеќе голови и да асистирам, посебно мислам дека треба да имам повеќе асистенции. Сепак, не е се во головите и асистенции, учествував во важни победи сезонава и можам да кажам дека сум успешен во повеќе сегменти“.

„Соиграчите често пати ме прашуваат зошто не шутирам повеќе, очигледно треба да биде посебичен, но не сум таков фудбалер, попрво би асистирал за сигурен гол отколку да се обидувам сам да завршувам“, изјави Грилиш.