Го нарече Роналдо свиња, казната е неизбежна

Порто во вторникот го елиминира Јувентус во осминафиналето на ЛШ, откако после продолженијата изгуби со 3:2, но поради правилото за гол во гости се пласира во следната фаза.

Во Торино беше видена вистинска драма, а храбриот Порто со играч помалку успеа да се одбрани од нападите на Старата дама и на крајот оствари голем успех со пласманот во четвртфиналето.

Спикерот на Порто, Фернандо Саул после натпреварот јавно и брутално го навреди Јувентус, а посебно првата ѕвезда на клубот Кристијано Роналдо.

„Им се одмаздивме на италијанските лопови за поразот во Базел 1984. година. Му се одмаздивме на таа свиња Роналдо за се што правеше на Драгао.“ – напиша Саул на Инстаграм.

Порто сега покрена дисциплинска постапка против човекот на кој ова не му беше прв испад. Пред неколку години исто така беше суспендиран поради навреди.

„Управниот одбор на Порто на денешниот состанок одлучи да покрене дисциплинска постапка против спикерот на клубот Фернандо Саул поради тоа што го напиша на социјалните мрежи после натпреварот против Јувентус.“ – стои во официјалното соопштение на португалскиот великан.