Германскиот репрезентативец призна: Сонувам да играм во Интер!

Германскиот репрезентативец и член на Хофенхајм Нико Шулц потврди дека негов сон е да се пресели во редовите на милански Интер, кој му е омилен клуб.

Левиот офанзивен бек одигра фантастична партија во квалификациите и беше херој на Германија во победата над Холандија во Амстердам.

За 25-годишниот Германец интерес покажуваат многу европски гиганти, па јасно е дека на крајот на сезоната ќе го напушти Хофенхајм.

„Сакам да играм во клуб кој постојано е на највисоко ниво во Европа. Интер е мојот детски сон, се надевам дека ќе го исполнам еден ден. За сега сум среќен во Хофенхајм и нема да е проблем ако останам овде и наредната сезона“, вели Шулц.

Шулц е роден во Берлин, а кариерата ја почна во Херта, играше и за Борусија Менхенгладбах, а од 2017 година е во Хофенхајм. Тој влече корени од Апенините затоа што неговиот татко е Италијанец поточно од островот Искја во Неаполскиот залив.

Од тука и неговата љубов кон Италија. Дури имаше понуда да игра за младите категории на Италија, меѓутоа тој ја избра германската репрезентација.