Гатузо: Никогаш не е добро време да играте против Јувентус

Џенаро Гатузо изрази почит кон Јувентус пред финалето во Купот на Италија кое се игра утре вечер.

Во Рим пред празни трибини Наполи ќе игра против Јувентус за трофејот во купот. Доколку нема победник во 90 минути веднаш ќе се изведуваат пенали.

„Никогаш не е добро да играте против Јувентус, Јувентус има ДНК секогаш да се спремни. Мораме да ги почитуваме, но и да одиграме во склад со нашите можности и со нашата сила“, изјави Гатузо.

Гатузо имаше пофалби и за Маурицио Сари.

„Ми се допаѓа неговиот стил. Неколку пати во последните години сум ја копирал неговата тактика. Гледав толку снимки од тоа како ја организира обраната“, призна Гатузо.

Натпреварот помеѓу Јувентус и Наполи се игра утре од 21:00 часот.