Галатасарај го купува еден од клучните играчи на Барса!

Турските медиуми објавија трансфер информација која крена голема прашина во Шпанија, особено во Каталонија.

Имено, тврдат дека Хавиер Маскерано кариерата ќе ја продолжи во Галатасарај. Аргентинецот веќе неколку години е еден од клучните играчи на каталонскиот клуб и наводно е во завршни преговори со турскиот клуб.

Менаџерите на Маскерано веќе имале неколку средби со раководството на Галатасарај, а медиумите тврдат дека договориле двогодишна соработка.

Барселона на лето ќе прави реконструкција на тимот, па доколку оваа информација е точна тоа значи дека клубот од „Камп Ноу“ повеќе нема да смета на 32-годишниот Аргентинец.