Во Премиер лигата задолжителна вакцинација за играчи и тренери

Вакцинацијата од коронавирусот ќе стане задолжителна во англиската Премиер лига, пренесува „Дејли Мејл“.

Властите во Велика Британија размислуваат да воведат задолжителна вакцинација за сите фудбалери и тренери и да бидат вакцинирани со втора доза најдоцна до 1 октомври.

Во моментов праксата е сите во клубот да се тестираат два пати неделно, и ако некој е позитивен, тој оди во изолација, но соиграчите не се изолираат.

Меѓутоа, на Островот во моментов се зголемува бројот на заразени од „Делта сојот“, па поради тоа властите размилсуваат да воведат задолжителна вакцинација.