Видео: Јунајтед на чекор до финале во Лига купот!

Фудбалерите на Манчестер Јунајтед се наоѓаат на чекор до пласман во финалето на Лига купот, откако во првиот полуфинален меч го совладаа Хал со 2:0.

Акцијата на Валенсија и Мхитаријан во 56-та минута со гол ја заврши Хуан Мата, а конечниот резултат го постави Фелаини во 67-та минута. Белгиецот по центаршутот на Дармијан со глава ја погоди мрежата на Хал.

Реванш натпреварот на теренот на Хал ќе се одигра на 26-ти јануари. Втората полуфинална двојка ја сочинуваат Саутемптон и Ливерпул, а првиот меч ќе го одиграат в среда.