Видео: Монструозна партија на Леброн, Кливленд поведе со 2:0

Леброн Џејмс одигра уште една фантастична партија и му помогна на Кливелнд да направи двоен број против Торонто. Бостон исто така поведе со 2:0.

Леброн Џејмс одигра уште еден маестрален натпревар и го водеше Кливленд до втората победа во гости кај Торонто со резултат од 128:110.

„Кралот“ ја заврши средбата со 42 поени, 14 асистенции и 8 скокови, а одличен беше и Кевин Лов со 31 поен и 11 скокови.

Бостон Селтикс исто така водат со 2-0 во серијата по победата од 108:103 против Филаделфија. Дебитантот Џејсон Тејтум ги предводеше победниците со 21 поен, Тери Розиер додаде 20, Маркус Морис 19. Хорфорд помогна со 13 и 12 скока за триумфот.