Видео: Алегри го замени, Пјаниќ му објави „војна“?

Јувентус и Интер вечерва одиграа само 0:0 во големото италијанско дерби.

„Старата дама“ не успеа да го скрши отпорот на гостите од Милано. Иако во поголемиот дел од натпреварот беше подобар тим и имаше повеќе шанси, но Самир Хандановиќ беше одличен на голот.

Во 85 минута од натпреварот Алегри одлучи да го извади од игра Босанецот Мирaлем Пјаниќ, а шанса му даде на Бентакур. При излегувањето од игра Пјаниќ му дофрли нешто на Алегри, а можеше да се види и дека е разочаран од одлуката на тренерот.