Вардар не менува ништо: Против Монпелје со публика!

Вардар не го следи примерот на кошаркарската и фудбалската федерација натпреварот против Монпелје ќе се игра со публика!

Вардар во официјалното соопштение потенцираше дека средбата ќе се игра пред публика, меѓутоа испрати препорака да не се носат помали деца.

„Ги известуваме сите што купиле билети за натпреварот од ВЕЛУКС ЕХФ лигата на шампионите меѓу екипите на Вардар и на Монпелје, закажан за сабота (29 февруари 2020 година) во СЦ „Јане Сандански”, дека мечот ЌЕ СЕ ИГРА СО ПРИСУСТВО НА ПУБЛИКА.

Одлуката е донесена пред се поради краткиот период за било каква промена, а со оглед на тоа што станува збор за меѓународна средба која е одамна закажана, а и екипата на Монпелје е веќе пристигната во Скопје.

Препорака е да не се водат мали деца на натпреварот“, стои во соопштението од Вардар

Натпреварот е закажан за 17,30 часот во СЦ „Јане Сандански”, а пренос ќе има и на МТВ 1.