Валверде: Ќе го негувам стилот и филозофијата на Барса!

Новиот тренер на Барселона, Ернесто Валверде официјално потпиша тригодишен договор со каталонскиот гигант и не го криеше задоволството од новиот предизвик.

„Благодарен сум за довербата која клубот ја има кон мене. За мене ова е огромна привилегија, а знам дека со тоа доаѓа и огромна одговорност. Тука сум заедно со моите идеи и спремен да започнам нов прокет“, изјави 53-годишниот стратег.

„Доаѓам од многу специјален клуб (Атлетик Билбао) и во Барселона сакам да ги пренесам сите мои идеи. Моите претходници тука завршија фантастична работа и освоија многу трофеи. Немам никаков сомнеж во филозофијата на овој клуб“, додаде Валверде.

„Добро знам дека моите претходници тука работеа со идејата да го запазат стилот и филозофијата на Барса. Јас многу добро знам што претставува Барса, веќе бев тука, но сега треба одново да се адаптирам. Мојата идеја е да се свртам што е можно повеќе кон стилот на Барса“, заклучи Валверде.