Вака изгледа комплетниот распоред за турнирот во Струга

И овој август кон средината на месецот традиционално ќе се игра Меѓународниот ракометен турнир во Струга. Оваа година тоа ќе биде и јубилејно 50-то издание.

На турнирот учеството го потврдија: Вардар 1961, Еурофарм Пелистер, Струга, Алкалоид и Бутел од Македонија додека од странство ќе настапат: АЕК Атина и Татран Прешов.

Почетокот на турнирот е закажан за на 16-ти август во 17:00 часот, прв натпревар кој ќе се одигра ќе биде дуелот помеѓу Струга и Еурофарм Пелистер. Веднаш по нив ќе се сретнат Вардар и Алкалоид. Финалето е закажано за на 20-ти август.

На последниот ден програмата ќе започне наутро од 10:00 часот со натпреварот за седмото место, потоа следуваат и дуелите за останатите позиции се до финалето кое е во терминот од 21:15 часот.