Борис Бекер до Ѓоковиќ: Сам си застануваш на патот, вакцинирај се!

Новак Ѓоковиќ овие денови е главна тема во медиумите поради неговата ситуација во Австралија.

Поранешниот тренер на Ѓоковиќ, Борис Бекер истакна дека Новак му е како член на неговото семејство.

„Долго го знам, работевме со години, блиски сме. Во овој момент јасно е дека прави голема грешка. Самиот себе си застанува на патот да стане најдобар тенисер во историјата“, смета Бекер.

Бекер му порачува да се вакцинира, иако не верува дека ќе го послуша.

„Не можев разговарам со него, но мојата порака е да се вакцинира. Сепак, не верувам дека ќе ме послуша. Тој има силна желба, но може да се случи да се погледне зад себе за една деценија и да сфати дека направил голема грешка. Не е во прашање само Мелбурн. Ова е новата реалност, живееме во поинаков свет и тешко можам да замислам како професионален тенисер може да функционира и да шета низ светот, а да не е вакциниран“, изјави Бекер.