Бобан спрема непријатно изненадување за Милан

Бившиот директор на Милан, Звонимир Бобан има намера да го тужи клубот за неоправдан отказ, соопштува „Тутоспорт“.

Бобан доби отказ од директорското место поради конфликт со генералниот директор на Милан, Иван Газидис.

Хрватот јавно го критикуваше Газидис во интервју за „Газета дело Спорт“ и го обвини дека му работи зад грб. Имено, Бобан тврдеше дека Газидис без негово знаење почнал преговори со тренерот Ралф Рангник.

„Не сметам дека се наоѓаме во Северна Кореја, секој е слободен да си го каже своето мислење“, изјави тогаш Бобан.

Сега „Тутоспорт“ тврди дека Бобан наскоро ќе испрати тужба и ќе се види на суд со раководството на Милан.