„Билд“ изгледа го победи „Кикер“: Тухел го избрал новиот клуб!?

Поранешниот тренер на Борусија Дортмунд, Томас Тухел изгледа донел одлука за својата иднина.

Ако можеме да веруваме во она што денес го пишува француски „Л’Eкип“, „Билд“ имал подобри извори од „Кикер“ и „Скај“.

Според ситуацијата во овој момент Томас Тухел наредната сезона ќе седне на клупата на Пари Сен Жермен.

„Кикер“ тврдеше дека Германецот ќе седне на клупата на Арсенал, „Скај“ ја искомплицира работата тврдејќи дека би можел во Баерн, иако „Билд“ неколку дена претходно пренесе дека поранешниот тренер на Борусија Дортмунд и Мајц ја одбил понудата од Баерн.

Бидејќи Унаи Емери не успеа да ги оправда очекувањата и не успеа да направи исчекор во Лигата на шампионите во однос на минатата сезона, соработката со него ќе биде завршена и по се изгледа на негово место ќе седне Тухел.