Бате Борисов после 13 години изгледа нема да биде шампион на Белорусија

Изгледа ќе видиме прекинување на една од најдолгите низи во европскиот фудбал.

Бате Борисов после 13 години може да не биде шампион на Белорусија! Тимот кој многу веројатно ќе го симне Бате од тронот е Динамо Брест.

Имено, на четири кола пред крајот Динамо Брест има четири бода повеќе од Бате Борисов, но и натпревар помалку што значи дека разликата може да се зголеми и на седум бода.

Оваа сезона Бате Борисов имаше прилика да се изедначи со Линколн од Гибралтар кој 14 пати во низа беше шампион на својата земја потоа следат: Сконто од Латвија (14 години), Розенборг (13) години), Динамо Загреб (11)…

Денес Бате одигра 1:1 против Гомел на свој терен, додека Динамо Брест успеа да слави со 3:2.