Барди за неговата специјалност: Раскажа како го изградил шутот по кој денес е препознатлив

Енис Барди без сомневање е еден од најдобрите македонски фудбалери во овој момент, посебна специјалност на Барди се слободните удари.

Вчера Барди разговараше со Илија Несторовски на Инстаграм во живо, а една од темите беа фантастични слободни удари на Барди.

Барди зборуваше за тоа како го изградил шутот кој го поседува денес.

„Од мал тренирав многу. После секој тренинг, секој ден останував да шутирам и да вежбам слободни удари. На почетокот важно ми беше само да шутирам да добијам на сила“.

Во оваа прилика Несторовски се потсети и на ситуација кога играле во репрезентацијата.

“Знам кога игравме на градски фаул скоро на 45 метри. Сите мислевме да нафрлуваме, нешто акција…И кога со Гоче го слушаме селектор вика: Барди – шут на гол“.