Арсенал по 38 години кај Тотенхем ќе мора да игра со гостински дресови

Toтенхем и Арсенал ќе се соочат в недела во дербито на северен Лондон кое ќе се игра во рамките од 5. коло во англската Премиер лига.

За првпат од сезоната 1985/1986 Арсенал против Спарс ќе игра во гостинска гарнитура дресови. Вообичаено Арсенал кај Тотенхем доаѓа во црвеена комбинација, но сега тоа нема да биде случај.

Судиската организација на Премиер лигата за оваа сезона не одобри такво нешто. Причина е белата боја која според нив ја има премногу. Познато е дека домашниот дрес на Тотенхем е бел, па сметаат дека доколку Арсенал игра со првата гарнитура може да дојде до одредени визуелни проблеми.

Арсенал ќе игра во натпреварот со црни дресови.