Андреа Пенезиќ е ракометарка на годината во Хрватска

Левиот бек на ЖРК Вардар, Андреа Пенезиќ е избрана на најдобра ракометарка на Хрватска за 2017 година, а ова е нејзино осмо признание. Таа убедливо го освои првото место во изборот на ХРС и весникот Спортске Новости. Пенезиќ доби 75 бода од жирито, пред Стела Посавец која собра 41 бод.

Играчот на Вардар во 2017 година беше во најдобрите стрелци во ЛШ, стигна до финалето на ЛШ, ја освои регионалната ВРХЛ лига и плус ја освои и двојната круна во Македонија.